Muqdisho,(insidesomalia.org)- Qaar ka mid ah Culamaa’udiinka Magalaada Muqdisho ayaa cambaareeyay falkii shalay lagu dilay Guddoomiyihii gudiga Taakuleynta Agoonta Soomaliyeed.

Sheekh Cabdi fitaax Aweys oo ka mid ah Culamaa’udiinka Soomaaliyeed ee ku nool Magaalada Muqdisho ayaa wax laga xumaado ku tilmaamay falkii shalay galab lagu dilay Guddoomihii gudiga taakuleynta agoonta Soomaaliyeed Sheekh Cabdi kariin, islamarkaana si daran ay u Cambaareeyeen isga iyo Culamaa’udiin kale.

Sheekh Cabdi Fitaax waxa uu ku dheeraaday wax qabadkii Marxuumka oo uu ku tilmaamay in uu u istaagay u gar gaarida Agoonta Soomaaliyeed,waxaana go’aankaan uu qaatay markii ay istaageen howlihii Hay’adda Al- Xarameyn ee gacanta ku heysay agoonta Soomaaliyeed, taasi oo sanadka 2004 Maamulka Mareykanku uu xiray markii uu ku eedeeyay in ay taageerto waxa loogu Yeero Arga gixisada sidaasina shaqada looga joojiyay.

Marxuumka ayaa waxaa la toogtay shalay galinkii dembe xili uu ka soo baxay Suuqa Bakaaraha, waxaana uu ka mid ahaa Ganacsatada Suuqa, iyadoo aan la ogeyn cida ka denbeysa dilkiisa.

Qeybaha kala duwan ee Bulshada ayaa waxaa ay cambaareeyeen falkii shalay lagu dilay Guddoomiyihii Gudiga taakuleynta Agoonta Soomaaliyeed Allaha u naxariisteen Sheekh Cabdi kariin.